【一班人的友誼】
由小學中學大學到工作，
都出現過好多「一班人的友誼」
就是說：我地呢幾個人都自我承認我們是一伙的
當大家離開左友誼建立之地後，呢種友誼永遠最難保持
畢業前大家誓神劈願我地一定要友誼永固啊～
到畢業後，可能一年都只有一次係 一 個 不 漏 的出席飯局
每次食飯都總有人要工作沒有空有事做等等的理由
然後慢慢我們都開始接受這種不齊人的飯局
以前有人同我講過，讀書時期建立既一班人既友誼
出到去社會之後有啲人慢慢會自動fade out
因為其實不是每個人都同每個人合得來，
有啲人可能只係搭來搭去，拼湊成「一群人」
所以到後來有啲其實合不來的人會走。
某程度上，我是認同的。
因為我自己都有一群朋友，那時候常常在一起
到後來自己慢慢發現同佢地完全合不來，
有種覺得大家當初只是酒肉朋友，今日都無謂再浪費時間
然後慢慢我就自己fade out了...
/
很榮幸，在眾多「一群朋友」中，
我擁有一群每一兩個月食一次飯都可以齊人既友誼
兩星期前突然感到秋風起，好想BBQ
於是我借D意喺whatsapp group問：您地想唔想BBQ
然後，就這樣，齊人的一齊去左BBQ。
燒野食果日話：喂一齊去旅行丫
然後尋日hkexpress有平機票
然後，我地，九個人，一齊，買了機票
媽呀～是九個人的旅行！
喺呢個約四個人去旅行都約幾年既時勢
居然可以輕輕鬆鬆約好九個人一齊去旅行！
大家為求一齊去旅行，沒有所謂到一個地步係
去邊？唔重要。幾時去？唔重要。去幾日？唔重要。
總之一齊買到平機票去邊到都是但啦～
我呢種自問偶爾愛離群既古怪女人
真係佩服他們為友誼兩脇插刀既偉大（飲杯！）
/
ig: hkgirlfriend (Follow啦有您著數!)
港女友 Hong Kong Girlfriend.
Search